MBH üzvü yenidən saxlanıldı

Müsəlman Birliyi Hərəkatının üzvü Elvin Mürvətoğlu yenidən saxlanılıb.

 

Operativ.tv xəbər verir ki, bu barədə onun yaxınları məlumat veriblər.

 

Vurğulanır ki, evdən məscidə getmək adı ilə çıxan Elvin Mürvətoğlundan daha sonra xəbər almaq mümkün olmayıb.

 

Yaxınları onun yenidən saxlanıldığını və bir müddət telefon nömrəsi açıq olsa da sonradan onunla rabitənin tamamilə kəsildiyini qeyd ediblər.

 

Xatırladaq ki, Elvin Mürvətoğlu həbsdə olan Müsəlman Birliyi Hərəkatının sədri Tale Bağırzadə ilə bağlı mahnılar ifa etdiyi üçün bu ilin fevral ayının 5-də Rusiyadan Azərbaycana qayıtdıqdan sonra Bakıdakı Heydər Əliyev adına hava limanında saxlanılıb.

 

Sonradan məlum olub ki, Elvin Mürvətoğlunu Baş Mütəşəkkil Cinayətkarlıqla Mübarizə İdarəsinin əməkdaşları saxlayıblar.