İran İraqın şimalındakı kürd bölmələrinin mövqelərini vurması haqda bəyanat verib

“Hədəfə alınan qərargahlar və mövqelər son iğtişaşların yaranmasında ən böyük rola malik olub.”

Operativ.tv SalamNews-a istinadən xəbər verir ki, bunu İran İslam İnqilabının Keşikçiləri Ordusunun Əməliyyatlar bölməsinin sədr müavini, briqada generalı Abbas Nilfruşan deyib.

Onun verdiyi bəyanatda bildirib ki, son iğtişaşlarda ən böyük rolü olan İraqın şimalındakı terrorçu qrupların qərargahları və mövqeləri olub.

Sepah generalı deyib ki, “ölkənin əleyhinə olan hər bir təhdidin mənşəyi istənilərn yerdə hədəfə alınacaq.”

Qeyd edək ki, İran son günlərdə iki dəfə İraqın şimalında “Kürdüstan Kommunist Partiyası” (Komala) və PJAK-ın mövqelərini artileriya və PUA-lardan hədəfə alıb.

Bəzi İran mənbələri Sepah-ın bu addımını Kürdüstabn Regional Hökumətinin sabiq lideri Məsud Barizaninin Məhsa Əminin ailəsinə zəng vurması, ədalət tələb etməsi və bir növ müdaxiləsinə cavab olduğunu bildirirlər.